တနသၤာရီတိုင္း ေဒသႀကီး ၿမိတ္ၿမိဳ႕ ၿမိဳ႕မ ၂ ရပ္ကြက္အတြင္းရိွ ေနအိမ္အတြင္း မူးယစ္ေဆးဝါးဝင္ေရာက္ ဖမ္းဆီးသည့္ တပ္ဖြဲ႔ဝင္မ်ားအား အိမ္ရွင္မ်ားမွ ဓားကိုယ္စီျဖင့္ ျပန္လည္တိုက္ခိုက္ကာ ထြက္ေျပးတိမ္းေရွာင္မႈ စက္တင္ဘာ ၂၆ ရက္ နံနက္ပိုင္းက ျဖစ္ပြားခ့ဲေၾကာင္း ၿမိတ္ ရဲတပ္ဖြဲ႔မႉး ရံုးက သိရသည္။
အမွတ္ ၄ နယ္ေျမမွ ရဲတပ္ဖြဲ႔ဝင္မ်ားႏွင့္ အသိသက္ေသမ်ားက ေနအိမ္အတြင္း ဝင္ေရာက္ဖမ္းဆီးရာတြင္ အိမ္ရွင္ အမ်ိဳးသမီး ႏွင့္ သားျဖစ္သူ ၂ ဦးက ဓားကိုယ္စီျဖင့္ တိုက္ခိုက္ခ့ဲျခင္းျဖစ္ၿပီး မီးသတ္ တပ္ဖြဲ႔ဝင္တဦး လက္တြင္ ျပတ္ရွ ဒဏ္ရာ ရရိွခ့ဲၿပီး ရဲတပ္ဖြဲ႔ဝင္တဦးမွာ ၿခံစည္းရိုးေပၚ ခုတ္ေက်ာ္ရာက ပုလင္းကြဲရွသည့္ ဒဏ္ရာရရိွခ့ဲေၾကာင္း ၿမိဳ႕နယ္ ရဲတပ္ဖြဲ႔မႉး ရဲမႉး ေအးမင္းက ေျပာျပသည္။
ရဲမႉး ေအးမင္းက “သူတို႔က တုိက္ခိုက္ၿပီး ကားနဲ႔ထြက္ေျပးသြားတာ၊ ဖမ္းမိေရးကို က်ေနာ္တို႔ အပူတျပင္း လုပ္ေနပါၿပီ၊”ဟု လည္း ေျပာသည္။
ရဲတပ္ဖြဲ႔ဝင္မ်ားအား တိုက္ခိုက္ခ့ဲသူမ်ားမွာ ကားျဖင့္ ထြက္ေျပး တိမ္းေရွာင္လ်က္ရိွၿပီး ၎ေနအိမ္အတြင္းမွ မူးယစ္ေဆးဝါး ၁၂ ျပားႏွင့္ မူးယစ္ေဆးဝါး သံုးစြဲရာတြင္ အသံုးျပဳသည့္ ပစၥည္းမ်ားႏွင့္အတူ ဓားႏွစ္လက္ကို သိမ္းဆည္းရမိ ထားေၾကာင္း သိရသည္။
ၿမိတ္ၿမိဳ႕နယ္ အမွတ္ ၁ မဲဆႏၵနယ္ ျပည္နယ္ လႊတ္ေတာ္ကိုယ္စားလွယ္ ဦးၿဖိဳးဝင္းထြန္းက “မူယစ္ တရားခံေတြကို အင္အား သံုးဖို႔ လိုအပ္ပါတယ္၊ လြန္ခ့ဲတ့ဲ ၂ လေလာက္ကလည္း ထားဝယ္ ဘက္မွာ မူးယစ္ဖမ္းရင္း တရားခံေတြဘက္ က ျပန္ပစ္လို႔ ရဲတပ္ဖြဲ႔ဝင္တဦး က်ဆံုးရတ့ဲ ျဖစ္စဥ္ ရိွခ့ဲတယ္”ဟု ဧရာဝတီသို႔ ေျပာသည္။
ျဖစ္စဥ္ႏွင့္ ပတ္သက္၍ တိုက္ခိုက္တိမ္းေရွာင္လ်က္ ရိွသူမ်ားအား ၿမိတ္ၿမိဳ႕ရဲစခန္းက မူးယစ္ေဆးဝါးမႈအျပင္ တပ္ဖြဲ႔ဝင္မ်ား အား ဒဏ္ရာရရိွေစမႈတို႔ျဖင့္ပါ အမႈဖြင့္အေရးယူ ေဆာင္ရြက္လ်က္ ရိွေၾကာင္း သိရသည္။
စက္တင္ဘာ ၁၉ ရက္ေန႔ကလည္း ကခ်င္ျပည္နယ္ အင္းေတာ္ႀကီးေဒသတြင္ မူးယစ္ေဆးဝါးတရားခံ သြားေရာက္ ဖမ္းဆီး သည့္ ရဲတပ္ဖြဲ႔ဝင္မ်ား တုတ္၊ ဓားမ်ားျဖင့္ တိုက္ခိုက္ခံခ့ဲရၿပီး ဒုရဲမႉး တဦး ဓားဒဏ္ရာ ရရိွခ့ဲသည္။
ထိုျဖစ္စဥ္မွာ တရားခံ၏ သားျဖစ္သူ ဦးေဆာင္သည့္ လူ ၂၀ ခန္႔က ရဲတပ္ဖြဲ႔မ်ားအား တိုက္ခိုက္ကာ တရားခံ ဖခင္ကို ျပန္လည္ လုယူသြားျခင္းျဖစ္ၿပီး တရားခံမ်ား ဖမ္းဆီးရမိေရးကို စစ္ေဆးလုပ္ေဆာင္လ်က္ ရိွေၾကာင္း လံုးတံု ရဲစခန္းမႉး ရဲအုပ္ ဗ်က္ဆန္း က ဧရာဝတီသို႔ ေျပာသည္။
__________________________________________________________________________
#Unicode
တနင်္သာရီတိုင်း ဒေသကြီး မြိတ်မြို့ မြို့မ ၂ ရပ်ကွက်အတွင်းရှိ နေအိမ်အတွင်း မူးယစ်ဆေးဝါးဝင်ရောက် ဖမ်းဆီးသည့် တပ်ဖွဲ့ဝင်များအား အိမ်ရှင်များမှ ဓားကိုယ်စီဖြင့် ပြန်လည်တိုက်ခိုက်ကာ ထွက်ပြေးတိမ်းရှောင်မှု စက်တင်ဘာ ၂၆ ရက် နံနက်ပိုင်းက ဖြစ်ပွားခဲ့ကြောင်း မြိတ် ရဲတပ်ဖွဲ့မှူး ရုံးက သိရသည်။
အမှတ် ၄ နယ်မြေမှ ရဲတပ်ဖွဲ့ဝင်များနှင့် အသိသက်သေများက နေအိမ်အတွင်း ဝင်ရောက်ဖမ်းဆီးရာတွင် အိမ်ရှင် အမျိုးသမီး နှင့် သားဖြစ်သူ ၂ ဦးက ဓားကိုယ်စီဖြင့် တိုက်ခိုက်ခဲ့ခြင်းဖြစ်ပြီး မီးသတ် တပ်ဖွဲ့ဝင်တဦး လက်တွင် ပြတ်ရှ ဒဏ်ရာ ရရှိခဲ့ပြီး ရဲတပ်ဖွဲ့ဝင်တဦးမှာ ခြံစည်းရိုးပေါ် ခုတ်ကျော်ရာက ပုလင်းကွဲရှသည့် ဒဏ်ရာရရှိခဲ့ကြောင်း မြို့နယ် ရဲတပ်ဖွဲ့မှူး ရဲမှူး အေးမင်းက ပြောပြသည်။
ရဲမှူး အေးမင်းက “သူတို့က တိုက်ခိုက်ပြီး ကားနဲ့ထွက်ပြေးသွားတာ၊ ဖမ်းမိရေးကို ကျနော်တို့ အပူတပြင်း လုပ်နေပါပြီ၊”ဟု လည်း ပြောသည်။
ရဲတပ်ဖွဲ့ဝင်များအား တိုက်ခိုက်ခဲ့သူများမှာ ကားဖြင့် ထွက်ပြေး တိမ်းရှောင်လျက်ရှိပြီး ၎င်းနေအိမ်အတွင်းမှ မူးယစ်ဆေးဝါး ၁၂ ပြားနှင့် မူးယစ်ဆေးဝါး သုံးစွဲရာတွင် အသုံးပြုသည့် ပစ္စည်းများနှင့်အတူ ဓားနှစ်လက်ကို သိမ်းဆည်းရမိ ထားကြောင်း သိရသည်။
မြိတ်မြို့နယ် အမှတ် ၁ မဲဆန္ဒနယ် ပြည်နယ် လွှတ်တော်ကိုယ်စားလှယ် ဦးဖြိုးဝင်းထွန်းက “မူယစ် တရားခံတွေကို အင်အား သုံးဖို့ လိုအပ်ပါတယ်၊ လွန်ခဲ့တဲ့ ၂ လလောက်ကလည်း ထားဝယ် ဘက်မှာ မူးယစ်ဖမ်းရင်း တရားခံတွေဘက် က ပြန်ပစ်လို့ ရဲတပ်ဖွဲ့ဝင်တဦး ကျဆုံးရတဲ့ ဖြစ်စဉ် ရှိခဲ့တယ်”ဟု ဧရာဝတီသို့ ပြောသည်။
ဖြစ်စဉ်နှင့် ပတ်သက်၍ တိုက်ခိုက်တိမ်းရှောင်လျက် ရှိသူများအား မြိတ်မြို့ရဲစခန်းက မူးယစ်ဆေးဝါးမှုအပြင် တပ်ဖွဲ့ဝင်များ အား ဒဏ်ရာရရှိစေမှုတို့ဖြင့်ပါ အမှုဖွင့်အရေးယူ ဆောင်ရွက်လျက် ရှိကြောင်း သိရသည်။
စက်တင်ဘာ ၁၉ ရက်နေ့ကလည်း ကချင်ပြည်နယ် အင်းတော်ကြီးဒေသတွင် မူးယစ်ဆေးဝါးတရားခံ သွားရောက် ဖမ်းဆီး သည့် ရဲတပ်ဖွဲ့ဝင်များ တုတ်၊ ဓားများဖြင့် တိုက်ခိုက်ခံခဲ့ရပြီး ဒုရဲမှူး တဦး ဓားဒဏ်ရာ ရရှိခဲ့သည်။
ထိုဖြစ်စဉ်မှာ တရားခံ၏ သားဖြစ်သူ ဦးဆောင်သည့် လူ ၂၀ ခန့်က ရဲတပ်ဖွဲ့များအား တိုက်ခိုက်ကာ တရားခံ ဖခင်ကို ပြန်လည် လုယူသွားခြင်းဖြစ်ပြီး တရားခံများ ဖမ်းဆီးရမိရေးကို စစ်ဆေးလုပ်ဆောင်လျက် ရှိကြောင်း လုံးတုံ ရဲစခန်းမှူး ရဲအုပ် ဗျက်ဆန်း က ဧရာဝတီသို့ ပြောသည်။
#Credit Ygn Media