#Zawgyi
လပြတၱာခ႐ိုင္ ျပင္စလူၿမိဳ႕တြင္ ၾသဂုတ္ ၄ ရက္က ျဖစ္ပြားခဲ့သည့္ လူသတ္မႈျဖစ္စဥ္ တစ္ခုအား ရဲတပ္ဖြဲ႕မွ လူေသမႈအျဖစ္သာ အမႈဖြင့္ အေရးယူ ေဆာင္ရြက္ခဲ့မႈကို ေဒသခံမ်ားမွ မေက်နပ္ေသာေၾကာင့္ ရဲခ်ဳပ္ႏွင့္တကြ အစိုးရအဖြဲ႕ တာ၀န္ရွိသူမ်ားထံ တိုင္ၾကားမႈမ်ား ျပဳလုပ္ခဲ့ေၾကာင္း သတင္းရရွိသည္။
ျဖစ္စဥ္မွာ ၾသဂုတ္ ၄ ရက္က ျပင္စလူၿမိဳ႕ ပဒဲေကာေက်းရြာတြင္ ေနထိုင္ေသာ ေဒၚၾကည္၀င္း (၅၈) ႏွစ္မွာ ၎ေနထိုင္ရာ ေက်းရြာမွ ႏွစ္မိုင္ခြဲခန္႔ေ၀းေသာ စလူဆိပ္ေက်းရြာသို႔ ေန႔စဥ္လုပ္ငန္းစဥ္ တစ္ခုျဖစ္ေသာ ေစ်းေရာင္းခ်ျခင္းအား လုပ္ကိုင္ရန္ ေနအိမ္မွ နံနက္ ၆ နာရီခန္႔တြင္ ထြက္ခြာသြားခဲ့ေၾကာင္း၊ ေဒၚၾကည္၀င္းမွာ ယင္းေန႔တြင္ ပံုမွန္အိမ္ျပန္ေရာက္ေနက်ျဖစ္ေသာ နံနက္ ၉ နာရီခန္႔တြင္ ျပန္မေရာက္ခဲ့သည္ကို ညေန ၅ နာရီခန္႔၌ အနီး၀န္းက်င္ ေနထိုင္သူမ်ားမွ သတိျပဳမိေသာေၾကာင့္ ေက်းရြာအုပ္ခ်ဳပ္ေရးမွဴးႏွင့္တကြ ေက်းရြာသားမ်ားက ေဒၚၾကည္၀င္းေစ်းေရာင္းသြားရာ လမ္းတစ္ေလွ်ာက္ လိုက္လံရွာေဖြရာတြင္ စလူဆိပ္ ေက်းရြာဘက္ျခမ္း ေခ်ာင္းကူးတံတားႏွင့္ ေပ ၁၀၀ ခန္႔အကြာတြင္ ေဒၚၾကည္၀င္းေစ်းေရာင္းရာတြင္ အသံုးျပဳေသာ ပစၥည္းမ်ားကိုသာ ေတြ႕ရွိရၿပီး လူကို မေတြ႕ရွိခဲ့ရေၾကာင္း၊ အလင္းေရာင္ အားနည္းလာမႈေၾကာင့္ ေက်းရြာသားမ်ားက ေဒၚၾကည္၀င္းအား ဆက္လက္ မရွာေဖြႏုိင္ေတာ့ဘဲ ၾသဂုတ္ ၅ ရက္ နံနက္ပိုင္း၌ ဆက္လက္ရွာေဖြရာတြင္ ယမန္ေန႔က ေဒၚၾကည္၀င္း၏ ေစ်းေရာင္းရာတြင္ အသံုးျပဳေသာ ပစၥည္းမ်ား ေတြ႕ရွိရသည့္ ေနရာနွင့္ ၃၅ ေပခန္႔ေ၀းသည့္ ခရာဆူးျခံဳအတြင္းတြင္ မိုးကာအျပာေရာင္စျဖင့္ ပတ္ထားကာ လည္ပင္းႏွင့္ ခါးတြင္ခ်ည္ထားေသာ အထုပ္အတြင္း၌ ေဒၚၾကည္၀င္းအား ေသဆံုးေနသည္ကို ေတြ႕ရွိရေၾကာင္း၊ ယင္းေနာက္ အေလာင္းအား တာ၀န္ရွိသူမ်ားမွ စစ္ေဆးရာတြင္ ယာမ်က္လုံးေပၚတြင္ သံုးလက္မခန္႔ ကြဲျပဲဒဏ္ရာ တစ္ခု၊ လည္ပင္းႏွင့္ မ်က္ႏွာမ်ားတြင္ ညိဳမည္းေနေသာ ဒဏ္ရာမ်ားအျပင္ ယာဘက္နားရြက္မွာ ျပတ္ထြက္ေနၿပီး ေဒၚၾကည္၀င္း တပ္ဆင္ျမဲျဖစ္သည့္ နားကပ္မ်ားမွာ မရွိေတာ့သည္ကို ေတြ႕ရွိရေၾကာင္း၊ ေဒၚၾကည္၀င္း၏ အေလာင္းေတြ႕ရွိသည့္ ေနရာအနီးတြင္ တစ္ဆက္တည္းျဖစ္သည့္ သားမက္သားတုတ္ အပိုင္းက်ဳိး တစ္ခုကိုပါ ေတြ႕ရွိရေၾကာင္း၊ ယင္းေနာက္ တာ၀န္ရွိသူမ်ားက ေဒၚၾကည္၀င္း၏ ႐ုပ္အေလာင္းအား သယ္ေဆာင္သြားခဲ့ေၾကာင္း၊ ေက်းရြာမွ တာ၀န္ရွိသူမ်ားႏွင့္ ရာအိမ္မွဴး ဦး၀င္းႏိုင္မွာ ေဒၚၾကည္၀င္း ေသဆံုးခဲ့မႈႏွင့္ ပတ္သက္၍ ဆက္လက္စံုစမ္းရာတြင္ ေဒၚၾကည္၀င္းေသဆံုးၿပီး ႏွစ္ရက္အၾကာ၌ ေက်းရြာမွ ႐ုတ္တရက္ ေပ်ာက္ဆံုးသြားခဲ့သူ ကိုပိုင္စိုးဦး၏ ေနအိမ္သို႔ ရာအိမ္မွဴး ဦး၀င္းႏိုင္က သြားေရာက္စံုစမ္းရာမွ ကိုပိုင္စိုးဦး၏ ေနအိမ္တြင္ ေဒၚၾကည္၀င္းတပ္ဆင္ျမဲျဖစ္သည့္ နားကပ္တစ္ဖက္အား သိမ္းဆည္းရမိခဲ့ေၾကာင္း၊ ရာအိမ္မွဴး ဦး၀င္းႏိုင္က သိမ္းဆည္းရမိေသာ နားကပ္တစ္ဖက္အား ရဲတပ္ဖြဲ႕အား ေခၚယူအပ္ႏွံရာတြင္ ရဲတပ္ဖြဲ႕မွ လက္ခံျခင္း မျပဳဘဲ ရာအိမ္မွဴးဦး၀င္းႏိုင္ကိုသာ ဆက္လက္သိမ္းဆည္းထားရန္ ေျပာဆိုခဲ့ေၾကာင္း၊ ယင္းအမႈျဖစ္စဥ္အား ရဲတပ္ဖြဲ႕မွ လပြတၱာၿမိဳ႕နယ္ တရား႐ုံးသို႔ တရားစြဲဆို တင္ပို႔ရာတြင္ လူသတ္မႈျဖင့္ တရားစြဲဆိုျခင္း မျပဳဘဲ လူေသမႈျဖင့္သာ တရားစြဲဆိုခဲ့ျခင္းေၾကာင့္ ယခုကဲ့သို႔ တိုင္ၾကားရျခင္းျဖစ္ေၾကာင္း ေဒသခံမ်ားထံမွ သိရသည္။
“ကြၽန္ေတာ့္ကို တရား႐ုံးကေခၚေတာ့ သြားတယ္။ ေရာက္ေတာ့ စာေရးမကေနၿပီးေတာ့ ရဲတင္ထားတဲ့ သက္ေသခံစာကို ဖတ္ၾကည့္ပါ။ ဖတ္ၾကည့္ၿပီးေတာ့ မွန္ရင္ လက္မွတ္ ထိုးသြား။ စစ္ေနမယ္ဆိုရင္ ၾကာမယ္လို႔ ေျပာတယ္။ ကြၽန္ေတာ္က ဖတ္ၾကည့္ေတာ့ ရဲက ေရးထားတာ တံတားနားမွာ ေသတယ္၊ ေသမႈေသခင္း ႐ုိး႐ိုးေသတယ္လို႔ သူက ေျပာထားတယ္။ ေနာက္ မိုးကာတစ္စပါတယ္ ေျပာတယ္။ မိုးကာနဲ႔ ပတ္ထားတာ မဟုတ္ဘဲ ေတြ႕တယ္။ ေနာက္ သူ႔ပစၥည္းေတြ ပါတယ္ေပါ့။ ေနာက္ တုတ္ေတြ နားကပ္ေတြကိုေတာ့ ထည့္မေရးထားဘူး။ အမႈထိမ္ခ်န္တဲ့ သေဘာမ်ိဳး ျဖစ္ေနတယ္။ ကြၽန္ေတာ္က ဘယ္ထိုးႏိုင္မလဲ။ ကြၽန္ေတာ္ထိုးမယ္ဆိုရင္ ကြၽန္ေတာ္ပါ အမႈထိမ္ခ်န္တဲ့အထဲ ပါသြားမွာေပါ့” ဟု ရဲတပ္ဖြဲ႕မွ သက္ေသစာရင္း တင္သြင္းထားၿပီး ေသဆံုးသူ ေဒၚၾကည္၀င္းအေလာင္းအား လိုက္လံရွာေဖြရွာတြင္ ပါ၀င္ခဲ့သူ ဦးေဌး၀င္းက ေျပာၾကားသည္။ အဆိုပါျဖစ္စဥ္ႏွင့္ ပတ္သက္၍ ျပင္စလူၿမိဳ႕ ရဲစခန္းသို႔ အႀကိမ္ႀကိမ္ ဖုန္းဆက္သြယ္ခဲ့ေသာ္လည္း ဖုန္းကိုင္ျပန္လည္ ေျဖၾကားျခင္း မရွိခဲ့ေၾကာင္း သိရသည္။
________________________________________________________________________
#Unicode
လပွတ္တာခရိုင် ပြင်စလူမြို့တွင် သြဂုတ် ၄ ရက်က ဖြစ်ပွားခဲ့သည့် လူသတ်မှုဖြစ်စဉ် တစ်ခုအား ရဲတပ်ဖွဲ့မှ လူသေမှုအဖြစ်သာ အမှုဖွင့် အရေးယူ ဆောင်ရွက်ခဲ့မှုကို ဒေသခံများမှ မကျေနပ်သောကြောင့် ရဲချုပ်နှင့်တကွ အစိုးရအဖွဲ့ တာဝန်ရှိသူများထံ တိုင်ကြားမှုများ ပြုလုပ်ခဲ့ကြောင်း သတင်းရရှိသည်။
ဖြစ်စဉ်မှာ သြဂုတ် ၄ ရက်က ပြင်စလူမြို့ ပဒဲကောကျေးရွာတွင် နေထိုင်သော ဒေါ်ကြည်ဝင်း (၅၈) နှစ်မှာ ၎င်းနေထိုင်ရာ ကျေးရွာမှ နှစ်မိုင်ခွဲခန့်ဝေးသော စလူဆိပ်ကျေးရွာသို့ နေ့စဉ်လုပ်ငန်းစဉ် တစ်ခုဖြစ်သော စျေးရောင်းချခြင်းအား လုပ်ကိုင်ရန် နေအိမ်မှ နံနက် ၆ နာရီခန့်တွင် ထွက်ခွာသွားခဲ့ကြောင်း၊ ဒေါ်ကြည်ဝင်းမှာ ယင်းနေ့တွင် ပုံမှန်အိမ်ပြန်ရောက်နေကျဖြစ်သော နံနက် ၉ နာရီခန့်တွင် ပြန်မရောက်ခဲ့သည်ကို ညနေ ၅ နာရီခန့်၌ အနီးဝန်းကျင် နေထိုင်သူများမှ သတိပြုမိသောကြောင့် ကျေးရွာအုပ်ချုပ်ရေးမှူးနှင့်တကွ ကျေးရွာသားများက ဒေါ်ကြည်ဝင်းစျေးရောင်းသွားရာ လမ်းတစ်လျှောက် လိုက်လံရှာဖွေရာတွင် စလူဆိပ် ကျေးရွာဘက်ခြမ်း ချောင်းကူးတံတားနှင့် ပေ ၁၀၀ ခန့်အကွာတွင် ဒေါ်ကြည်ဝင်းစျေးရောင်းရာတွင် အသုံးပြုသော ပစ္စည်းများကိုသာ တွေ့ရှိရပြီး လူကို မတွေ့ရှိခဲ့ရကြောင်း၊ အလင်းရောင် အားနည်းလာမှုကြောင့် ကျေးရွာသားများက ဒေါ်ကြည်ဝင်းအား ဆက်လက် မရှာဖွေနိုင်တော့ဘဲ သြဂုတ် ၅ ရက် နံနက်ပိုင်း၌ ဆက်လက်ရှာဖွေရာတွင် ယမန်နေ့က ဒေါ်ကြည်ဝင်း၏ စျေးရောင်းရာတွင် အသုံးပြုသော ပစ္စည်းများ တွေ့ရှိရသည့် နေရာနှင့် ၃၅ ပေခန့်ဝေးသည့် ခရာဆူးခြုံအတွင်းတွင် မိုးကာအပြာရောင်စဖြင့် ပတ်ထားကာ လည်ပင်းနှင့် ခါးတွင်ချည်ထားသော အထုပ်အတွင်း၌ ဒေါ်ကြည်ဝင်းအား သေဆုံးနေသည်ကို တွေ့ရှိရကြောင်း၊ ယင်းနောက် အလောင်းအား တာဝန်ရှိသူများမှ စစ်ဆေးရာတွင် ယာမျက်လုံးပေါ်တွင် သုံးလက်မခန့် ကွဲပြဲဒဏ်ရာ တစ်ခု၊ လည်ပင်းနှင့် မျက်နှာများတွင် ညိုမည်းနေသော ဒဏ်ရာများအပြင် ယာဘက်နားရွက်မှာ ပြတ်ထွက်နေပြီး ဒေါ်ကြည်ဝင်း တပ်ဆင်မြဲဖြစ်သည့် နားကပ်များမှာ မရှိတော့သည်ကို တွေ့ရှိရကြောင်း၊ ဒေါ်ကြည်ဝင်း၏ အလောင်းတွေ့ရှိသည့် နေရာအနီးတွင် တစ်ဆက်တည်းဖြစ်သည့် သားမက်သားတုတ် အပိုင်းကျိုး တစ်ခုကိုပါ တွေ့ရှိရကြောင်း၊ ယင်းနောက် တာဝန်ရှိသူများက ဒေါ်ကြည်ဝင်း၏ ရုပ်အလောင်းအား သယ်ဆောင်သွားခဲ့ကြောင်း၊ ကျေးရွာမှ တာဝန်ရှိသူများနှင့် ရာအိမ်မှူး ဦးဝင်းနိုင်မှာ ဒေါ်ကြည်ဝင်း သေဆုံးခဲ့မှုနှင့် ပတ်သက်၍ ဆက်လက်စုံစမ်းရာတွင် ဒေါ်ကြည်ဝင်းသေဆုံးပြီး နှစ်ရက်အကြာ၌ ကျေးရွာမှ ရုတ်တရက် ပျောက်ဆုံးသွားခဲ့သူ ကိုပိုင်စိုးဦး၏ နေအိမ်သို့ ရာအိမ်မှူး ဦးဝင်းနိုင်က သွားရောက်စုံစမ်းရာမှ ကိုပိုင်စိုးဦး၏ နေအိမ်တွင် ဒေါ်ကြည်ဝင်းတပ်ဆင်မြဲဖြစ်သည့် နားကပ်တစ်ဖက်အား သိမ်းဆည်းရမိခဲ့ကြောင်း၊ ရာအိမ်မှူး ဦးဝင်းနိုင်က သိမ်းဆည်းရမိသော နားကပ်တစ်ဖက်အား ရဲတပ်ဖွဲ့အား ခေါ်ယူအပ်နှံရာတွင် ရဲတပ်ဖွဲ့မှ လက်ခံခြင်း မပြုဘဲ ရာအိမ်မှူးဦးဝင်းနိုင်ကိုသာ ဆက်လက်သိမ်းဆည်းထားရန် ပြောဆိုခဲ့ကြောင်း၊ ယင်းအမှုဖြစ်စဉ်အား ရဲတပ်ဖွဲ့မှ လပွတ္တာမြို့နယ် တရားရုံးသို့ တရားစွဲဆို တင်ပို့ရာတွင် လူသတ်မှုဖြင့် တရားစွဲဆိုခြင်း မပြုဘဲ လူသေမှုဖြင့်သာ တရားစွဲဆိုခဲ့ခြင်းကြောင့် ယခုကဲ့သို့ တိုင်ကြားရခြင်းဖြစ်ကြောင်း ဒေသခံများထံမှ သိရသည်။
“ကျွန်တော့်ကို တရားရုံးကခေါ်တော့ သွားတယ်။ ရောက်တော့ စာရေးမကနေပြီးတော့ ရဲတင်ထားတဲ့ သက်သေခံစာကို ဖတ်ကြည့်ပါ။ ဖတ်ကြည့်ပြီးတော့ မှန်ရင် လက်မှတ် ထိုးသွား။ စစ်နေမယ်ဆိုရင် ကြာမယ်လို့ ပြောတယ်။ ကျွန်တော်က ဖတ်ကြည့်တော့ ရဲက ရေးထားတာ တံတားနားမှာ သေတယ်၊ သေမှုသေခင်း ရိုးရိုးသေတယ်လို့ သူက ပြောထားတယ်။ နောက် မိုးကာတစ်စပါတယ် ပြောတယ်။ မိုးကာနဲ့ ပတ်ထားတာ မဟုတ်ဘဲ တွေ့တယ်။ နောက် သူ့ပစ္စည်းတွေ ပါတယ်ပေါ့။ နောက် တုတ်တွေ နားကပ်တွေကိုတော့ ထည့်မရေးထားဘူး။ အမှုထိမ်ချန်တဲ့ သဘောမျိုး ဖြစ်နေတယ်။ ကျွန်တော်က ဘယ်ထိုးနိုင်မလဲ။ ကျွန်တော်ထိုးမယ်ဆိုရင် ကျွန်တော်ပါ အမှုထိမ်ချန်တဲ့အထဲ ပါသွားမှာပေါ့” ဟု ရဲတပ်ဖွဲ့မှ သက်သေစာရင်း တင်သွင်းထားပြီး သေဆုံးသူ ဒေါ်ကြည်ဝင်းအလောင်းအား လိုက်လံရှာဖွေရှာတွင် ပါ၀င်ခဲ့သူ ဦးဌေးဝင်းက ပြောကြားသည်။ အဆိုပါဖြစ်စဉ်နှင့် ပတ်သက်၍ ပြင်စလူမြို့ ရဲစခန်းသို့ အကြိမ်ကြိမ် ဖုန်းဆက်သွယ်ခဲ့သော်လည်း ဖုန်းကိုင်ပြန်လည် ဖြေကြားခြင်း မရှိခဲ့ကြောင်း သိရသည်။
#Credit Elevens news