#Zawgyi
မႏၲေလးတိုင္းေဒသႀကီး ရမည္းသင္းၿမိဳ႕နယ္တြင္ ဧၿပီ ၃၀ ရက္ ညေနပိုင္းက မိုးသက္ေလျပင္း က်ေရာက္ခဲ့ရာ လူေသဆုံးျခင္း၊ ထိခိုက္ဒဏ္ရာ ရရွိျခင္း၊ အေဆာက္အအံုႏွင့္ သစ္ပင္မ်ား ပ်က္စီးၿပိဳလဲျခင္းမ်ား ျဖစ္ေပၚခဲ့ေၾကာင္း ကူညီကယ္ဆယ္ေရး ေဆာင္ရြက္လ်က္ရွိသည့္ လူမႈအေျချပဳ အဖြဲ႔အစည္းမ်ားထံမွ စုံစမ္းသိရွိခဲ့ရသည္။
ယခုအခ်ိန္အထိ ရရွိေသာ ကနဦးသတင္းမ်ားအရ လူသံုးဦး ေသဆံုးၿပီး ခုနစ္ဦး ဒဏ္ရာရရွိခဲ့ေၾကာင္း၊ ေသဆံုးသူမ်ားမွာ ရမည္သင္းၿမိဳ႕နယ္ စည္ပင္သာရြာမွ ေဒၚပိုပိုဆုိသူ အမ်ိဳးသမီးမွာ မိုးႀကိ္ဳးထိမွန္ ေသဆုံးခဲ့ၿပီး ထိုရြာမွ ေဒၚတင္ေအးဆိုသူ အမ်ဳိးသမီးမွာလည္း အိမ္ေပၚတြင္ သစ္ပင္ပိ၍ ေသဆုံးခဲ့ေၾကာင္း၊ အလားတူပင္ ေတာင္ဘကေက်းရြာတြင္ ေနထိုင္သည့္ ဦးေအာင္ၾကည္သန္း ဆုိသူမွာ အုတ္တံတိုင္းပိ၍ ေသဆုံးခဲ့ျခင္း ျဖစ္ေၾကာင္း ရမည္းသင္း ခ႐ိုင္မီးသတ္ဦးစီးဌာနထံမွ စုံစမ္းသိရွိရသည္။
“ညေန ၅ နာရီကေန ၅ နာရီခြဲေလာက္မွာ ျဖစ္သြားတာပါ။ ပ်က္စီးမႈ အေျခအေနက တစ္ၿမိဳ႕နယ္လုံးဘဲ။ စာရင္းေတြကေတာ့ ေကာက္ယူတုန္း ရွိေသးတယ္။ မီးသတ္တပ္ဖြဲ႔က ပိတ္ေနတဲ့ လမ္းေတြကို လိုက္ရွင္းေပးေနပါတယ္။ ေဆးရုံသြားတဲ့ လမ္းကေတာ့ ရွင္းျပီးသြားၿပီ။ ေဆးရုံကို လူနာေတြ ပို႔ေပးေနပါတယ္” ဟု ရမည္းသင္း ခ႐ိုင္မီးသတ္ဦးစီးမွဴး ဦးစိန္ခိုင္က ေျပာၾကားသည္။
ယင္းမိုးသက္ေလျပင္းေၾကာင့္ ရမည္းသင္းၿမိဳ႕နယ္ရွိ ဆည္တိုရြာရွိ အိမ္ေျခ ၁၀၀ အနက္ သုံးပုံတစ္ပုံခန္႔ ၿပိဳဳက်ခဲ့ေၾကာင္း၊ ေညာင္ေလးပင္၊ ကုကၠိဳကုန္း၊ ဇီးျဖဴကုန္း၊ ေညာင္အိုင္ ေက်းရြာမ်ားတြင္လည္း ေနအိမ္ပ်က္စီးမႈမ်ား ရွိၿပီး လူထိခ္ိုက္မႈ၊ တိရစာၦန္ ေသဆုံးမႈႏွင့္ စုိက္ပ်ိဳးသီးႏွံ ပ်က္စီးမႈမ်ားရွိေၾကာင္း ေဒသခံမ်ားႏွင့္ ပရဟိတ ကူညီေရး အသင္းမ်ားထံမွ စုံစမ္းသိရွိရသည္။
“ရမည္းသင္းၿမိဳ႕တြင္းက ဘုရားေတြ ထီးေတာ္ယိုင္တာေတြ ၿမိဳ႕လယ္ရန္ေအာင္ျမင္ဘုရား စိန္ဖူးေတာ္ ခတာေတြ ရွိတယ္။ အပင္လဲလို႔ ျဖစ္တာမ်ားတယ္။ ပ်ဥ္ေထာင္အိမ္ေတြ ထရံအိမ္ေတြ လဲတာမ်ားတယ္။ ေက်ာင္းေတြ အမိုးလန္တယ္။ ဒီေန႔ မနက္ က်ေနာ္တို႔ ေရာက္လာခဲ့တဲ့ ရမည္းသင္း အေရွ႕ဘက္ သုံးမိုင္အကြာက ဆည္ႀကီးေညာင္အိုင္မွာ ပ်က္စီးတာမ်ားတယ္။ ရမည္းသင္းေျမာက္ဖက္ ခုနစ္မိုင္အကြာက စည္ပင္သာမွာလည္း အပ်က္အစီးမ်ားတယ္။ ရမည္းသင္းေတာင္ဘက္ ေလးမိုင္အကြာက ေညာင္ေလးပင္ရြာေတြ ဘက္မွာလည္း ပ်က္စိီးမႈရွိတယ္” ဟု ေမာ္ေတာ္ယာဥ္သုံးစီးျဖင့္ အခမဲ့ လိုက္လံကူညီေနေသာ ရမည္းသင္းၿမိဳ႕ခံ ဦးေဇာ္ႀကီးက ေျပာသည္။
The Voice
_______________________________________________________________________
#Unicode
မန္တလေးတိုင်းဒေသကြီး ရမည်းသင်းမြို့နယ်တွင် ဧပြီ ၃၀ ရက် ညနေပိုင်းက မိုးသက်လေပြင်း ကျရောက်ခဲ့ရာ လူသေဆုံးခြင်း၊ ထိခိုက်ဒဏ်ရာ ရရှိခြင်း၊ အဆောက်အအုံနှင့် သစ်ပင်များ ပျက်စီးပြိုလဲခြင်းများ ဖြစ်ပေါ်ခဲ့ကြောင်း ကူညီကယ်ဆယ်ရေး ဆောင်ရွက်လျက်ရှိသည့် လူမှုအခြေပြု အဖွဲ့အစည်းများထံမှ စုံစမ်းသိရှိခဲ့ရသည်။
ယခုအချိန်အထိ ရရှိသော ကနဦးသတင်းများအရ လူသုံးဦး သေဆုံးပြီး ခုနစ်ဦး ဒဏ်ရာရရှိခဲ့ကြောင်း၊ သေဆုံးသူများမှာ ရမည်သင်းမြို့နယ် စည်ပင်သာရွာမှ ဒေါ်ပိုပိုဆိုသူ အမျိုးသမီးမှာ မိုးကြိ်ုးထိမှန် သေဆုံးခဲ့ပြီး ထိုရွာမှ ဒေါ်တင်အေးဆိုသူ အမျိုးသမီးမှာလည်း အိမ်ပေါ်တွင် သစ်ပင်ပိ၍ သေဆုံးခဲ့ကြောင်း၊ အလားတူပင် တောင်ဘကကျေးရွာတွင် နေထိုင်သည့် ဦးအောင်ကြည်သန်း ဆိုသူမှာ အုတ်တံတိုင်းပိ၍ သေဆုံးခဲ့ခြင်း ဖြစ်ကြောင်း ရမည်းသင်း ခရိုင်မီးသတ်ဦးစီးဌာနထံမှ စုံစမ်းသိရှိရသည်။
“ညနေ ၅ နာရီကနေ ၅ နာရီခွဲလောက်မှာ ဖြစ်သွားတာပါ။ ပျက်စီးမှု အခြေအနေက တစ်မြို့နယ်လုံးဘဲ။ စာရင်းတွေကတော့ ကောက်ယူတုန်း ရှိသေးတယ်။ မီးသတ်တပ်ဖွဲ့က ပိတ်နေတဲ့ လမ်းတွေကို လိုက်ရှင်းပေးနေပါတယ်။ ဆေးရုံသွားတဲ့ လမ်းကတော့ ရှင်းပြီးသွားပြီ။ ဆေးရုံကို လူနာတွေ ပို့ပေးနေပါတယ်” ဟု ရမည်းသင်း ခရိုင်မီးသတ်ဦးစီးမှူး ဦးစိန်ခိုင်က ပြောကြားသည်။
ယင်းမိုးသက်လေပြင်းကြောင့် ရမည်းသင်းမြို့နယ်ရှိ ဆည်တိုရွာရှိ အိမ်ခြေ ၁၀၀ အနက် သုံးပုံတစ်ပုံခန့် ပြိုုကျခဲ့ကြောင်း၊ ညောင်လေးပင်၊ ကုက္ကိုကုန်း၊ ဇီးဖြူကုန်း၊ ညောင်အိုင် ကျေးရွာများတွင်လည်း နေအိမ်ပျက်စီးမှုများ ရှိပြီး လူထိခ်ိုက်မှု၊ တိရစ္ဆာန် သေဆုံးမှုနှင့် စိုက်ပျိုးသီးနှံ ပျက်စီးမှုများရှိကြောင်း ဒေသခံများနှင့် ပရဟိတ ကူညီရေး အသင်းများထံမှ စုံစမ်းသိရှိရသည်။
“ရမည်းသင်းမြို့တွင်းက ဘုရားတွေ ထီးတော်ယိုင်တာတွေ မြို့လယ်ရန်အောင်မြင်ဘုရား စိန်ဖူးတော် ခတာတွေ ရှိတယ်။ အပင်လဲလို့ ဖြစ်တာများတယ်။ ပျဉ်ထောင်အိမ်တွေ ထရံအိမ်တွေ လဲတာများတယ်။ ကျောင်းတွေ အမိုးလန်တယ်။ ဒီနေ့ မနက် ကျနော်တို့ ရောက်လာခဲ့တဲ့ ရမည်းသင်း အရှေ့ဘက် သုံးမိုင်အကွာက ဆည်ကြီးညောင်အိုင်မှာ ပျက်စီးတာများတယ်။ ရမည်းသင်းမြောက်ဖက် ခုနစ်မိုင်အကွာက စည်ပင်သာမှာလည်း အပျက်အစီးများတယ်။ ရမည်းသင်းတောင်ဘက် လေးမိုင်အကွာက ညောင်လေးပင်ရွာတွေ ဘက်မှာလည်း ပျက်စိီးမှုရှိတယ်” ဟု မော်တော်ယာဉ်သုံးစီးဖြင့် အခမဲ့ လိုက်လံကူညီနေသော ရမည်းသင်းမြို့ခံ ဦးဇော်ကြီးက ပြောသည်။
The Voice