ဒီအဖြစ်အပျက်က လွန်ခဲ့တဲ့ ၁၈ နှစ် လောက်က တကယ် ဖြစ်ခဲ့တာပါ။ နေရာက ရန်ကုန်-ပြည် ကားလမ်းမပေါ်မှာရှိပြီး ၊ ပြည် ကနေဆို ၂၂ မိုင်၊ အောင်လံ ကနေဆို ၂၃ မိုင်လောက်ကားစီးရင် ကားလမ်းမကြီးဘေးမှာရှိတဲ့ ဒုရဂ်ဗိုလ် ကိုရောက်ပါတယ် အဲ့ကားလမ်းမကြီးကနေ အနောက်ဘက်ကို ၂မိုင် ၂ ဖာလုံလောက် ၀င်ရတဲ့ ညောင်ပင်ဆိပ် ဆိုတဲ့ ရွာမှာ ဖြစ်ခဲ့တာပါ။ ရွာကို တောင်ပိုင်း၊ အလယ်ပိုင်း၊ မြောက်ပိုင်းဆိုပီး အပိုင်း ၃ ပိုင်း ခွဲ ခေါ်ပါတယ်။ ဖြစ်တဲ့အိမ်က ရွာအလယ်ပိုင်းက အမေကြီးရဲ့ အိမ်မှာဖြစ်တာပါ။ ကျွန်မတို့ အမေကြီး(ဖေဖေ့ အမေ အဘွားကိုပြောတာပါ) မှာ ညီအစ်မ ၄ ယောက်ရှိတယ်။ အမေကြီးက အကြီးဆုံးအစ်မပေါ၊့ ဒုတိယ ညီမ ဒေါ်ရင်လှက ရွာမြောက်ပိုင်းမှာ နေတယ်၊ တတိယ ညီမ ဒေါ်စိမ်းကြည်က ပြည်မှာ နေပြီး၊ အငယ်ဆုံး ညီမ ဒေါ်စိမ်းတင် က ရွာတောင်ပိုင်းမှာနေတာပါ။ ရွာတောင်ပိုင်းက အမေကြီးဒေါ်စိမ်းတင် အိမ်ရဲ့ အနောက်ဘက် က ရွာ စာသင်ကျောင်း ရဲ့ ယာခင်း နဲ့ ကပ်နေတော့ တောထူတယ်၊ အဲ့အိမ် နောက်ဖေးမှာ ခဏ ခဏ ဆိုသလို မြွေကြီးတွေ တွေ့ရတယ်။ ဒါကြောင့် တော်ရုံလူဆို အဲ့အိမ်နောက်ဖေးကို သွားရဲကြဘူး၊ မြွေကိုက်မှာစိုးလို့။ရွာတောင်ပိုင်းက အမေကြီးဒေါ်စိမ်းတင်ရဲ့ သမီးကြီးဒေါ်တင်ဝင်း နဲ သမီးငယ်ဒေါ်လှဝင်း က ရွာမှာပဲ နေတာပါ။ သမီးအငယ် ဒေါ်လှဝင်းက အမေ နဲ့ အတူ တောစပ်ကပ်လျက်က အိမ်မှာနေပြီး၊ သမီးအကြီးဒေါ်တင်ဝင်းက အဲ့ဒီအိမ်နဲ့ မျက်နှာချင်းဆိုင်မှာ နေပါတယ်။ အချိန်က နွေရာသီ ကျောင်းပိတ်ရက်မှာပါ။ သမီးအငယ်ဒေါ်လှဝင်း မိသားစု က ရန်ကုန်ကို နွေရာသီကျောင်းပိတ်ရက် ဆို အမြဲလိုလိုအလည်သွားပါတယ်။ ဒီနှစ်လည်း အလည်သွားပါတယ်။ တစ်နေ့ အလည်သွားပြီး ပြန်လာမယ်ဆိုတာ သိရတော့ အမေကြီး ဒေါ်စိမ်းတင် က အိမ် သန့်ရှင်းရေးလုပ်မှဆိုပြီး အိမ်ပတ်ပတ်လည် သန့်ရှင်းရေး လုပ်ပါတယ်။ သူက သန့်ရှင်းရေးလုပ်ရင်း အိမ်ခေါင်းရင်းမှာရှိတဲ့ ကြွက်တွင်းကိုပါ ရှင်းမယ်ဆိုပြီး တံမြက်စည်းနဲ့ ရှင်းတာ အားမရတော့ လက်နှိုက်ပြီး တွင်းထဲက အမှိုက်တွေ ထုတ်ပါတယ်။ တွင်းထဲက အမှိုက်တွေရှင်းရင်း လက်ကို အကောင် တစ်ကောင်အကိုက်ခံလိုက်ရပါတယ်။ ဒါပေမဲ့ သူကလည်း ကြွက်ကိုက်တယ်ထင်ပြီး အမှုမဲ့အမှတ်မဲ့ သဘောထားပြီး ထမင်းစားချိန် ၁၁ နာရီလောက် ရောက်တာနဲ့ ထမင်းစား ၊ အေးအေးဆေးဆေး ဆေးလိပ်တောင် ဖွာလိုက်ပါသေးတယ်။ ထမင်းစားပြီး နာရီဝက် ၁ နာရီလောက်ကြာတော့ သူ နေရထိုင်ရတာ မအီမသာ နဲ့ တမျိုး ကြီး ဖြစ်လာပါတယ်။ ဒါနဲ့ သူလည်း သူ့သမီးအကြီးကို သန့်ရှင်းရေးလုပ်တုန်း တွင်းထဲမှ အကောင် တစ်ကောင် အကိုက်ခံရကြောင်း၊ သူ နေရထိုင်ရတာ တစ်မျိုးဖြစ်နေကြောင်းပြောပြတော့ သမီးအကြီးက “ဒါဆို အမေ့ကိုကိုက်လိုက်တာ ကြွက် မဟုတ်လောက်ဘူး၊ တခြားအကောင် ဖြစ်လိမ့်မယ်၊ အမေ ခဏ အေးအေးဆေးဆေး အနားယူလိုက်အုံး ကျွန်တော် ရှာကြည့်လိုက်မယ်ဆိုပီး“ ရှာပုံတော် ဖွင့်ပါတော့မယ်။ (သမီးအကြီးက အရပ်ထောင်ထောင်မောင်းမောင်း နဲ့ အကြောက်အလန့်မရှိပါဘူး)။ ရွာမှာ ကျန်းမာရေးဆေးခန်းရှိတော့ အကောင်တွေ့ရင် ဆေးရှိမယ်ဆိုပြီး ရှာတာပါ။ အိမ်နီးနားချင်းတွေပါ ၀ိုင်းကူရှာနေပေးပေမဲ့ နေ့ခင်း ၂ နာရီလောက်ထိ အကောင်ကိုရှာတာ မတွေ့သေးပါဘူး။ အမေကြီးဒေါ်စိမ်းတင်ကတော့ ခေါင်းမူးသလို အိပ်ချင်သလိုဖြစ်နေတော့ အသာလေးပဲ ပလက်ကုလားထိုင်မှာ ထိုင်နားနေပါတယ်။ ခဏနေ ၃ နာရီလောက် ကျတော့ သမီးအကြီး ရှာရကျိုးနပ်သွားပါတယ်။ “အမေရေ အမေကို ကိုက်တဲ့အကောင် တွေ့ပီ တွေ့ပီ“ ဆိုပြီး၊ အမေ့ အနားကို ပြေးလာပီး “ အမေရေ ဒီမှာ အမေ့ကိုက်တာ ကြွက်မဟုတ်ဘူး၊ ဒီအကောင်ဗျာ“ ဆိုပြီး ပြလိုက်တဲ့အခါ… အမေဆိုတာ အိပ်ချင်သလိုမူးနောက်နောက်ဖြစ်နေရာကနေ လန့်ပြီး ဇက်ကြိုးသွားပါတော့တယ်။ အကြောင်းကတော့ သမီးအကြီး လက်ထဲမှာ ကိုင်လာတာ က ၀ ၀ ထွားထွား မြွေကြီး ဖြစ်နေပါတော့တယ်။ (မြွေဟောက်ထင်ပါတယ်၊ သေချာ မမှတ်မိတော့ပါ)။ ဒါနဲ့ ပြည်ဆေးရုံကိုပို့ကြမယ်ဆိုပြီး ကားငှားပြီး အမြန်သွားဖို့ ပြင်ပါတယ်။ ရွာမှာက ကျန်းမာရေးဆေးခန်းပဲရှိတော့ ခုလို အရေးအကြောင်းဆို ပြည် ကိုပဲ သွားရပါတယ်။ ဒါပေမဲ့ ကံအကြောင်းမလှတော့ ကားက ဒုရဂ်ဗိုလ် အ၀င်မှာတင် အမေကြီး ဒေါ်စိမ်းတင် ဇက်ကြိုးသွားနေရာကနေ အသက်ပါ ပါသွားပါတော့တယ်။ နောက်နေ့ မနက်မှာတော့ တဖြည်းဖြည်း အဆိပ်တွေ ခန္ဓာကိုယ် အနှံ့ ပြန့်ကုန်ပြီး ခန္ဓာကိုယ် ဟာ ဖြည်းဖြည်းချင်း စိမ်းလာပြီး ၊ ဖောလာတယ်လို့ သွားကြည့်တဲ့လူတွေ ပြောသံကြားရပါတယ်။ ကျွန်မတို့က အဲ့အချိန်က ၉ နှစ်လောက်ပဲ ရှိသေးတော့ ကြားတာနဲ့တင် လန့်နေပါပြီ၊ သွားမကြည့်ရဲပါဘူး။ နောက်နေ့ မနက်ကူးတော့ အပုပ်နံ့တွေလည်း ရတယ် ဆိုပြီး အဲ့နေ့ မှာပဲ အားချင်း သဂြိုလ် လိုက်ရပါတယ်။(သမီးအငယ် က အသက်မမှီပါဘူး၊ ရက်မလည်ခင်တော့ ပြန်ရောက်လာပါတယ်)။ တကယ့်ဇာတ်လမ်းကတော့ အမေကြီး ဒေါ်စိမ်းတင် အိမ်မှာ မဟုတ်ပါဘူး။ ရွာအလယ်ပိုင်းက ကျွန်မတို့ နေ့တဲ့ အမေကြီး အိမ်မှာပါ။ တကယ့်ကောင်းခန်း မပြောခင် အိမ်ခြံဝင်းနဲ့အိမ် ပုံကို အရင်ပြောပါမယ်။ (ကောင်းခန်း ရောက်ကာခါနီးမှ ကြော်ငြာဝင်တာတော့ မဟုတ်ပါဘူးရှင်၊ ခုလိုပြောပြမှ ပိုပြည့်စုံမှာမို့ပါ)။ အိမ်က ၂ ထပ်အိမ်ပါ။ အိမ်ရဲ့ မီးဖိုချောင်က တခြားအိမ်တွေလို အိမ်နောက်ဖေးမှာ မဟုတ်ဘဲ၊ အိမ်ခြေရင်းဘက်အရှေ့နားမှာပါ။ မီးဖိုချောင်နဲ့ကပ်ရက်မှာ စတိုခန်းရှည်ကြီး(အိမ်အလယ်ကနေ အိမ်နောက်ဖေးထိ) ရှိပါတယ်။ ဒါကြောင့် ကျွန်မတို့ အိမ်သာ သွားမယ်ဆို မီးဖိုချောင်ပေါက်ကနေ အိမ်အနောက်ဘက်ထိ အရှည်ကြီး သွားရပါတယ်။ ရွာတွေက အိမ်သာတွေ က အားလုံးသိတဲ့အတိုင်း အိမ်နောက်ဘက် အဝေးမှာပဲ ဆောက်ကြတာပါ။ ကျွန်မတို့ အိမ်သာ က အိမ်အဆောက်အအုံ ဆုံးတာနဲ့ တန်းမရောက်ပါဘူး၊ အိမ်သာနဲ့ အိမ်ကြီး ကြားမှာ ခြေလှမ်း ၁၅လှမ်း ၊ အလှမ်း ၂၀ လောက် လျှောက်ရပါသေးတယ်။ အဲ့အကြားမှာ အမြင့် ၃ပေခွဲ၊ ၄ပေလောက်ရှိတဲ့ ထမိန်တန်း ထားပါတယ်။ အမေကြီးအိမ်မှာ အမေကြီးရယ်၊ မေမေရယ်၊ ကျွန်မတို့ ညီအစ်မ ၂ ယောက် ရယ်၊ ညီမအငယ်လေး ရယ် ၄ ယောက်ပဲ နေတာပါ။ ဖေဖေက ရန်ကုန်မှာ အလုပ် လုပ်တော့ တခါတလေမှပဲ ပြန်လာပါတယ်။ ကျွန်မတို့ ညီမ အငယ်ဆုံးက ၃ နှစ်ကလေးဆိုတော့၊ သူက တခါတလေ အိမ်သာ သွားရင် လမ်းကနေမသွားဘဲ၊ အဲ့ ထမိန်တန်းအောက်ကနေ ဖြတ် ဖြတ် သွားတတ်ပါတယ်။ ဒါကြောင့် သူ့ကို ထမိန်တန်းအောက်ကနေ မသွားနဲ့ ဘုန်းနိမ့်တတ်တယ်ဆိုပြီး ပြောပေမဲ့၊ သူက နားမထောင်ဘဲ ဖြတ် သွားမြဲပါပဲ။ (ငယ်သေးတာ့ ဘုန်းနိမ့်တယ်ဆိုတာ နားမလည်သေးဘူးထင်ပါတယ်)။ အမေကြီး ဒေါ်စိမ်းတင် ဆုံးပြီး ၄၊၅ ရက်ကြာတော့ ညနေ ၄ နာရီလောက်မှာ သူ့မြေးက ကျွန်မတို့ အိမ်မှာ ဆီမုတ် လာငှားပါတယ်။ အဲ့နေ့အဲ့အချိန်က အိမ်မှာ ကျွန်မတို့ ညီအစ်မ ၂ ယောက်က တခြားရွာကို အလည်သွားနေတဲ့အတွက် ညနေ ၅ နာရီကျော်လောက်မှ ပြန်ရောက်လာပါတယ်။ ဒါကြောင့် အိမ်မှာ အမေကြီး၊ မေမေ နဲ့ အငယ်ဆုံး ညီမ (၃ နှစ် အရွယ်) ပဲ ရှိတာပါ။ အမေကြီး ဒေါ်စိမ်းတင်မြေး ပြန်သွားပြီး ခဏနေတော့ ညီမလေးက အိမ်သာ တက်ချင်ဆိုပြီး သူ့ဘာသာ တစ်ယောက်တည်း အိမ်သာ သွားပါတယ်။ အဲ့အချိန်မှာ မေမေက ပန်းဂေါ်ဖီ ကြော် ကြော်နေတာပါ။ မေမေလည်း မအားတော့ သမီးလေး ကိစ္စပြီးမှ မေမေ့ကို လှမ်းခေါ်ဆိုပြီး ပြောလိုက်တာပါ။ ညီမလေးက ခဏနေတော့ “မေမေရေ၊ ပြီးပြီ “ ဆိုပြီး အော်တော့၊ မေမေ က “တကယ်လား“ မေးလိုက်တော့၊ ညီမလေးက “မဟုတ်ဘူး၊ စတာ “ ဆိုပြီး ပြန်ပြောပါတယ်။ နောက် ခဏကြာတော့ ညီမလေး က ကြောက်သံကြီးနဲ့ “မေမေရေ၊ လာပါအုန်း“ ဆိုပြီး လှမ်းအော်တော့တာပဲ။ အဲ့လို အသံကြီး ကြားမှ မေမေလည်း ချက်ချင်း နောက်ဖေးကို ပြေးသွားတော့၊ ညီမလေးက “မေမေ ၊ ဟိုမှာ ခေါင်းပြတ်ကြီး၊ အမေကြီးဒေါ်စိမ်းတင်ရယ်၊ မျက်လုံး အကြီးကြီးနဲ့“ ဆိုတော့ မေမေလည်း အိမ်သာအောက်တွေရော၊ နောက်တွေပါ လိုက်ရှာကြည့်ပါတယ်၊ ဒါပေမဲ့ မေမေ လျှောက်ရှာတော့ ခေါင်းပြတ်ကြီး က မရှိတော့ပါဘူး။ အဲ့ကိစ္စ ဖြစ်ပြီး နာရီဝက်၊ ၁ နာရီလောက် ကြာမှ ကျွန်မတို့ ညီအစ်မ ၂ ယောက် အိမ်ပြန်ရောက်ပါတယ်၊ မေမေက ခေါင်းပြတ်ကြီး အကြောင်း ပြောပြပါ့တယ်၊ သူ့မြေးအိမ်ကို ဆီမုတ် လာငှားရင်းနဲ့ လိုက်လာတာပဲ ဖြစ်မယ်ဆိုပြီး။ ဒါနဲ့ ကျွန်မတို့လည်း ညီမလေးကို ပြန်မေးတာပေါ့၊ ဘယ်လိုတွေ့တာလဲ ဆိုပြီး။ အဲ့တော့ ညီမလေးက ပြန်ပြောပြပါတယ်။ သူ အိမ်သာ တက်နေတုန်း ၊ ဟိုကြည့်ဒီကြည့် လုပ်နေတာတဲ့၊ နောက် သူက ခြေထောက်နားကို ခေါင်းကုန်းကြည့်တော့ အိမ်သာနောက်ဘက်မှာ ခေါင်းပြတ်ကြီး ၊ မျက်လုံး အကြီးကြီးနဲ့၊ အမေကြီးဒေါ်စိမ်းတင် ကိုတွေ့တာတဲ့။( ခုနောက်ပိုင်း သရဲကားတွေ ကြည့်မိတော့မှ ၊ ခြေထောက်ကြားထဲ ခေါင်းငုံ့ကြည့်ရင် သရဲမြင်ရတယ်ဆိုတာ သိရတော့၊ အဲ့တုန်းက ညီမလေးလည်း အဲ့လို ခေါင်းငုံ့ကြည့်မိတာကြောင့် အခြောက်ခံရတယ်လို့ ထင်ပါတယ်။) အဲ့ညီမလေးမှာ အဲ့လို အသက်ငယ်ငယ်လေးနဲ့ အခြောက်ခံခဲ့ရလို့နဲ့တူတယ်၊ သရဲကားဆိုရင် ခေါင်းအုံးကွယ်ပြီးပဲ ကြည့်တော့ပါတယ်။ စာကြွင်း ။ ။ပေတအတွက် ကုန်ကြမ်းရှာမယ်ဆိုပြီး ရုံးကဦးလေးကို(ရွာကအိမ်ရဲ့ ခေါင်းရင်းဘက်မှာနေခဲ့တဲ့ ဦးလေးပါ) ခေါင်းပြတ်ကြီးအကြောင်းပြောပြပြီး ဟိုမေးဒီမေး လုပ်ကြည့်မှ ၊ ခေါင်းပြတ်ကြီးအဆက် ကို ပြီးခဲ့တဲ့ အပတ်ကမှ ထပ်သိရပါတယ်။ သူလည်း အဲ့နေ့ကပဲ ညနေ ၄နာရီကျော်၊ ၅ နာရီ လောက် မှာ သူနောက်ဖေးသွားချင်တာနဲ့ နောက်ဖေးသွားပြီး အိမ်ရှေ့ ပြန်အလှည့်မှာ အုန်းနဲပင်နားက ရှဲ ရှဲ နဲ့ အသံကြားတော့ လှည့်ကြည့်လိုက်တော့ အမေကြီးဒေါ်စိမ်းတင် ရယ် နောက်ကျောပေးနေတာ တွေ့တာတဲ့၊ ဒါပေမဲ့ ခန္ဓာပဲ ပါပြီး ခေါင်းကတော့မပါဘဲ ခေါင်းပြတ်ကြီးတဲ့။